കയ്യൊപ്പ്

എൻ നെറുകിൽ നീ
ചാർത്തിയ കുങ്കുമത്തിൻ
കയ്യൊപ്പ് മാഞ്ഞില്ലിതുവരെ..

തെളിഞ്ഞും ഒളിഞ്ഞും വന്നൂ
നീ എൻ ജീവിതവഴിയിൽ
ചാലിച്ചെഴുതിയ ആദ്യകയ്യൊപ്പ്...

പ്രണയം മൊട്ടിട്ട
എൻ ആത്മാവിൽ നിന്നാൽ
പൂവിട്ട  ചുവന്ന പുഷ്പം...

കാത്തു വച്ചൂ
ഞാനെന്നുമീ നെറുകിൽ
നിൻ ആദ്യ സമ്മാനം..

നിൻ നിഷ്കളങ്ക -
സ്നേഹത്താൽ ചാലിച്ച
കുങ്കുമത്തിനും ഹൃദയത്തിലൊഴുകുന്നയാ-
അരുവി തൻ നിറമായിരുന്നൂ...

കാലം കടന്നു പോയി-
യാ കുങ്കുമചുവപ്പിനെ
ചേർത്തു വച്ചൊരീയെൻ
ഹൃദയ തന്ത്രികളെ പോലും
തകർത്തൂ മറ്റൊരു
കൈയ്യൊപ്പിനാൽ നീ...

അക്ഷരങ്ങൾ നിറച്ചെഴുതിയ
താളുകൾ മറിച്ചു നീ
ചാർത്തിയ കൈയ്യൊപ്പിനാൽ
വിങ്ങീ ഈ നെഞ്ചകം...

നിഷ്ക്രൂരമീ കാലത്തിനും
 കൈയ്യൊപ്പ് ചാർത്താൻ ഒരിടമൊരുങ്ങീ-
ഒടുവിൽ കാലവും
ചാർത്തി കയൊപ്പുകൾ
 എൻ ആത്മാവിൻ ആഴങ്ങളിൽ...

                 PonnuZz 🌹