എൻ്റെ പ്രണയം

     ■ എൻ്റെ പ്രണയം ■

‌ആത്മനിർവൃതിയുടെ കാണാകയങ്ങൾ
തേടി ഞാൻ അലയുമ്പോൾ ഒരു തണലായി
വന്നതായിരുന്നു അവൻ...

ആ നിമിഷം ഹൃദയത്തിൻ്റെ
ഉൾകോണിലെവിടെയോ ആർത്തലച്ചു
പെയ്തു കൊണ്ടിരുന്ന കണ്ണീർമഴയുടെ
ശക്തി കുറഞ്ഞു വന്നു...

ചിരിക്കാൻ എന്നോ മറന്നു പോയ
അധരങ്ങൾ സാവധാനം ചിരിതൂകുവാൻ തുടങ്ങി...
അതു വരെ എന്നെ പുണർന്നിരുന്ന ഏകാന്തത
അകലങ്ങളിലേക്ക് മാഞ്ഞു പോയി....

ഇന്നെൻ്റെ സന്തോഷവും  ആനന്ദവും
അവനിലൂടെയാണ്.
ഹൃദയമിടിപ്പിൻ്റെ താളം പോലും
അവൻ്റെ നാമം മാത്രമായിരിക്കുന്നു...
എൻ്റെ ഓരോ നിശ്വാസവും

തേടുന്നത് അവനെയാണ്...
എൻ്റെ പ്രാണൻ്റെ പകുതിയായി മാറിയ പ്രണയമേ
നിന്നെ ഞാൻ കാത്തിരിക്കുന്നൂ ...
ഈ ജൻമം നിൻ്റെ ആത്മാവിൽ
അലിയുവാൻ  കൊതിച്ചു കൊണ്ട് .....
 

‌                           പൊന്നൂസ്