പകലിനെ പ്രണയിച്ചവൻ

അസ്തമയ സൂര്യന് ഇന്ന്
എന്തെന്നില്ലാത്ത മനോഹാരിതയാണ്...
തൻ്റെ പ്രിയതമയെ കണ്ട നാണം കൊണ്ട്
ചുവന്ന് തുടുത്ത കവിളുകളാകണം
ഇത്രേം ഭംഗി നൽകുന്നതെന്ന് തോന്നി പോകും.. .
പ്രണയാർദ്രമായ ആ കണ്ണുകളുടെ
ജ്വലനത്തിനു പോലും അനുരാഗത്തിൻ്റെ തീവ്രതയാണ്...
ഇന്നീ പകൽ വിട വാങ്ങുമ്പോഴും ;
ഇരുളാഴങ്ങളിലേക്ക് അവൻ
ആഴ്ന്നിറങ്ങുമ്പോഴും നാളെയവൾ
തന്നോട് അലിഞ്ഞു ചേരുമെന്ന സ്വപ്നമാണവന്...
തൻ്റെ പ്രണയിനിക്കായ് ഉദയ കിരണങ്ങളുമായി
അവനെത്തുമെന്ന വിശ്വാസത്താൽ
അവളും മയങ്ങുന്നു
                         
                                          പൊന്നൂസ്