പ്രണയാഗ്നി

പ്രണയാഗ്നി
•••••••••••••••••

'ഞാൻ' ആരാണെന്നതിനു ഉത്തരം തേടി
 ഒരുപാട് അലഞ്ഞു ... ഒടുവിൽ നീ പറഞ്ഞു
 നിൻ്റെ പ്രണയമാണ് 'ഞാൻ' എന്ന്....
 'ഞാൻ ' നിന്നിൽ നിന്നും തുടങ്ങി
 നിന്നിലേക്ക് തന്നെ അവസാനിക്കുമെന്ന്...
ആത്മാവിൻ്റെ ആഴങ്ങളിൽ പതിഞ്ഞ വാക്കുകൾ
ഹൃദയത്തെ ഓരോ നിമിഷവും കീറി മുറിച്ച് കൊണ്ടേയിരുന്നു..
 ഒടുവിൽ നിൻ്റെ വാക്കുകൾ സത്യമാണെന്ന് തിരിച്ചറിഞ്ഞു...
ആ നിമിഷം ഞാൻ നിന്നെ തിരഞ്ഞു... കണ്ടില്ല....
ഇരുട്ടിൻ്റെ നിഴൽ വെളിച്ചത്തിൽ  പോലും നീ ഉണ്ടോയെന്ന് പരതി..
. കണ്ടെത്താൻ കഴിഞ്ഞില്ല........
ഇന്നെൻ്റെ ഹൃദയത്തെ നീയൊരു
പ്രണയാഗ്നി ആയി വിഴുങ്ങീടുമ്പോഴും
അലയുകയാണ്,  ഞാൻ ...
 എന്താണ് 'നീ' എന്നതിൻ ഉത്തരം തേടി .....
                               
                                          പൊന്നൂസ്