മരണം

നിന്നോട് അലിയാൻ
നിന്നെ ഒന്നു പുണരുവാൻ
എത്രയോ കാലങ്ങളായി ഞാൻ
കാത്തിരിക്കുകയാണ്....
എൻ്റെ നിശ്വാസങ്ങളെ
മൗനമായി പുൽകുവാൻ
നിനക്കല്ലാതെ മറ്റാർക്കാണ് സാധിക്കുക..
ഒരു ഭ്രാന്തിയെ പോലെ നിന്നിലേക്ക്
ചേരുവാൻ മിടിച്ചു കൊണ്ടിരിക്കുന്ന
 എൻ ഹൃദയം വെമ്പുന്നത് നീ അറിയുന്നുണ്ടോ .. ?
നിഴലായ് നീ എൻ്റെ കൂടെ ഉണ്ടെന്നറിയാം...
എങ്കിലും ഇരുളിൻ്റെ മായകൾക്കപ്പുറം
ഒളിഞ്ഞിരിക്കുന്ന നിന്നെ തേടി അലയുകയാണു ഞാൻ ...
ഈ വിരഹതാപത്തിൽ നിന്നും ഞാൻ മോചിതയാകുമെന്നറിയാം...
എൻ്റെ ഈ കാത്തിരിപ്പിന് അർത്ഥമുണ്ടാകുമെന്നുമറിയാം...

എനിക്ക് നിന്നെ വിശ്വാസമാണ്...
ഞാൻ എത്ര അകലയാണെങ്കിലും
നീ എന്ന് തേടി വരുമെന്ന്...
വൈകാതെ സ്വന്തമാകും നീ എനിക്കും ...
അന്ന് നിൻ്റെ വിരൽതുമ്പിൽ
എൻ്റെ കൈകളും ചേരും...
ആ മാറിൽ ചാഞ്ഞു ഞാൻ ഉറങ്ങും...
ഒരിക്കലും ഉണരാത്ത ഉറക്കം ...

                               പൊന്നൂസ്.